قـــصــائدي

ياللي كسيت الليل ثوب النور من بعد الظلام +انته ملاذ اللي على نورك يطيب اله السهر
اصبحت مضرب للمثل للعاشقين من الانام + اللي يبي يوصف حبيبه قال ياوجه القمر
لقيت فيك اكثر صفات الحسن ياعال المقام + هذا اجل وشلون لو اوصفك في نصف الشهر
ماضن يلحقني بعشقي لك من العالم ملام + وشلون ماتطري على قلبي ويخفق لك شعر
وانته تذكرني بوجه اللي بها يحلى الكلام + الجادل اللي فدوه الها لو تبي كل العمر
رحت اتذكر طيفها والقلب طاويه الحيام + وهو لمن يروي عطش عشقه وشوقه ينتظر
قمة ادب واخلاق مع زين ورزانه واحتشام + واذا تذكرت العيون الناعسات ادهى وامر
يافاتنه ارسل لك الاشواق مع سرب الحمام + طال الغياب ومابقي فيني على الفرقا صبر
اما تجين تبادليني حب ونعيش بسلام + والا يموت الحب في قلبيننا بالمختصر

ياذيب من حبه شربت البهاذيل=من يوم سوى بي هذيك السوايا
ماهو بجرح الا جروح وغرابيل=واليوم باقي من جروحه بقايا
مدري علامي كل مايظلم الليل=زارتني همومي جيوش وسرايا
ياما سهرت اسامر الجدي وسهيل=واجر وناتن بقلبي خفايا
اشكي غرام ام الرموش المظاليل=اللي موردني حياض المنايا
المهره اللي قلبي الها مداهيل=عطيتها عمري وروحي هدايا
طلع غلاها لي خدعه وتمثيل=في حبها يارب تجبر عزايا
عسى العوض لي فالليال المقابيل=باللي على ايديها دواي وشفايا
وتحبني وتموت فيني وبالحيل=تعزني على جميع البرايا
وازيدها عشق ومحبه وتدليل=واحطها فالقلب بين الحنايا
واكتب بها شعري واقوله مواويل=حتى يموتن غيض كل الصبايا

رد الشاعر الاخ صالح العصيمي ( ذيب جمران )

فاحت دلال الكيف بالبن والهيل=ونوخت في طرق القصيد المطايا
يامسندن يمي جزال التماثيل=جاتك جزالن مثلهنه حلايا
يالمورقي ياشاعر الهم والويل=دايم تعاني من جروح وكوايا
ذقت العنا من لابسات الخلاخيل=بيض البنات مبدلات النوايا
الهن على درب الهواوي محابيل=وطريقهن فالحب كله لوايا
اسلوبهن مكر ودعايه وتضليل=وقلوبهن بالحقد سود وحوايا
والبنت منهن لاهتوت حيلها حيل=تدرس ظروفك من جميع الزوايا
وتاخذك بالهرج المنمق وبالقيل= لين انها ترديك ضمن الضحايا
ياليتها بالسيف والرمح والخيل=ومقابل الظفران دون الرعايا
كان التويت بسد ذباحت الحيل=واخذت حقك من جموع الطنايا
لكنها مكر ودعايه وتضليل=طبع البنات مبدلات النوايا[/poem][/frame][/QUOTE][/QUOTE]