ياللي كسيت الليل ثوب النور من بعد الظلام +انته ملاذ اللي على نورك يطيب اله السهر
اصبحت مضرب للمثل للعاشقين من الانام + اللي يبي يوصف حبيبه قال ياوجه القمر
لقيت فيك اكثر صفات الحسن ياعال المقام + هذا اجل وشلون لو اوصفك في نصف الشهر
ماضن يلحقني بعشقي لك من العالم ملام + وشلون ماتطري على قلبي ويخفق لك شعر
وانته تذكرني بوجه اللي بها يحلى الكلام + الجادل اللي فدوه الها لو تبي كل العمر
رحت اتذكر طيفها والقلب طاويه الحيام + وهو لمن يروي عطش عشقه وشوقه ينتظر
قمة ادب واخلاق مع زين ورزانه واحتشام + واذا تذكرت العيون الناعسات ادهى وامر
يافاتنه ارسل لك الاشواق مع سرب الحمام + طال الغياب ومابقي فيني على الفرقا صبر
اما تجين تبادليني حب ونعيش بسلام + والا يموت الحب في قلبيننا بالمختصر